14 okt Filminnspilling ved vågen i Selje etter manus av Jon Fosse
Filminnspilling ved vågen i Selje etter manus av Jon Fosse.
Dette minner oss på da vi i 2004 hadde gleden av å levere Saga 27 til Jon Fosse.
I den forbindelse var han så vennlig å skrive følgende tekst som vi kunne benytte i vår neste brosjyre:
1.
Det vakraste, det er sant, er har sett i livet, har
eg sett når lyset skiftar, der hav og land
møtest, langs kysten av Vestlandet.
Dei merkelegast steinformasjonar møter
himmelen, og havet, i det skiftande lyset. Og
det som fører med dit, det er ein Saga 27, laga
der heilt vest mot havet, i Selje, innanfor den
heilage øya Selja.
2.
Eg har tre bustadar, ei leilegheit i Bergen, ei
lita hytte litt nord for byen, og så ein Saga 27.
Alle tre plasser har eg kloggene mine ståande,
og alle tre plasser har eg rom nok til det liv
familien min og eg vil leve. Men aller best har
eg det kanskje i båten min, ei morgon- eller
kveldsstund medan lyset skiftar, langsmed
land, ut mot havet.
3.
Nok plass til å bu og leve, både for familien
min og meg. Fart nok til å komme seg dit ein
vil, samstundes få med seg det landskap ein
seglar gjennom. Og blæs det opp, ja så hjelper
det alltids å tenkje at båten min, ein Saga 27,
er laga av folk som bur like innanfor Stadt,
verst havstrekket i Noreg. Og samstundes nær
eit av dei vakraste kystlandskap eg veit om.
Og slik er òg båten. Trygg, og med opning mot
det vakre.
4.
Saga 27 er ein båt, ein bustad, og ein tilstand.
Det seiest at det er den fritidsbåt som er lengst
produsert, og som har selt mest i verda. Ikkje
veit eg. Men eg veit at i all slags vêr er den
trygg, der finn seg si ferd gjennom bølgjene.
Ut mot havet. Inn mot land.
5.
På den kysten der eg seglar, er fjell og fjordar
som har stått slik dei no står i uminnelege
tider. I dette landet vil eg segle i ein båt som
har i seg former og linjespel som også går
langt attende tida, og som følgjer sitt
landskap. Min båt er ein Saga 27. Og båten
min heiter Edda – som tyder urmor, oldemor,
og diktekunsts opphav.
Jon Fosse